MUUAJI WA ANDREW NICKY SANGA AHUKUMIWA KWENDA JELA MIAKA 35

Kesi ya Mtuhumiwa wa Mauaji ya ndugu yetu Andrew Nicky Sanga (Baba Zoe) imekamilika leo asubuhi hapa jijini Houston , Texas. Katika hukumu hiyo iliyosomwa na jaji mtuhumiwa Villere Henderson Johnson amehukumiwa kwenda jela kwa miaka 35 bila matarajio ya parole.

Familia ya Bw. Sanga inapenda kuwashukuru ndugu , jamaa , marafiki na Wanajumuiya wote kwa ujumla kwa kuwa pamoja nao katika kipindi chote hiki cha kufuatilia kesi ya mauaji ya kinyama ya mpendwa wetu .

"Tunapenda kuwafahamisha kuwa kesi imeisha rasmi leo ( 02/18/2019) saa 4 asubuhi kwa mtuhumiwa  kukiri makosa na kuhukumiwa kifungo cha miaka 35 jela bila parole"- sehemu ya taarifa fupi kutoka kwa familia.

Tunamshukuru Mungu kwa sala zenu.